РД-дин хуьруьн майишатдин ва недай суьрсетдин министерстводи хабар гузвайвал, 2025-йисуз Дагъустанда къушарин кьадар 9 процентдин гзаф хьана, какайрин кьадар лагьайтIа, 250 миллиондилай алатна.
Сифтегьан нетижайралди, республикада къушарин кьадар, санлай къачурла, 4,5 миллиондилай алатнава. 2024-йисан делилрив гекъигайла, им 9 процентдин гзаф кьадар я.
Дагъустанда къушчивилин рекье 50-далай гзаф КФХ-ри ва СПК-ри кIвалахзава. Идалай вилик регионда къушчивилин кьуд фабрикади кIвалах башламиш хъувуна. ГьакIни и рекье тахминан 10-дав агакьна чIехи инвестпроектар уьмуьрдиз кечирмишзава.
Амина Муслимова
