И йикъара РД-дин Гьукуматдин Председатель Мегьамед Рамазанова РФ-дин тIебиатдин ресурсрин ва экологиядин министр Александр Козлован регьбервилик кваз кьиле фейи заседанида иштиракна. Идакай «Лезги газетдиз» РД-дин Гьукуматдин пресс-къуллугъди хабар гана.

Адан сергьятра аваз, хабар хьайивал, Дагъустанда къати марфар къунин нетижада зиянар хьанвай 80 агъзур агьалидив пулдин куьмек агакьнава. И макьсадриз, санлай къачурла, 2,9 млрд манат серфнава.

Къейд ийин хьи, эменнидиз зиянар хьанвай, кIвалер чкIанвай агьалийриз яшайишдин рекьяй куьмек гун патал арзаяр кьабулун алай вахтундани давам жезва.

Марфар къунин нетижада зиянар хьайи образованидин 58 объектдал рес­публикадин бюджетдин такьатрихъ цIийи­кIа туькIуьр хъувунин кIвалахар кьиле тухванва. Исятда и жигьетдай кIвалахар давам жезва. Гьа са вахтунда бязи муниципалитетра модульный жуьредин мектебарни эцигзава.

РикIел хкин, Дагъустанда 2026-2029- йисара, селлер атайла, вацIа­рин къерехар хуьнин жигьетдай вилика­маз кьабулдай серенжемрин махсус план­ни туь­кIуьр­нава. И месэладикай чна «Лезги газетдин» алатай нумрада хабар ганай.

Агьмед Магьмудов