Махачкъалада “Тумаждин туп” тIвар алаз футболдай кьиле тухвай шегьердин ачух турнир акьалтIна. Жегьилар патал футболдин итижлу и мярекат кьиле физ цIи 20-сефер я.
ЦIинин “Тумаждин туп” Махачкъала шегьердин 160 йисаз талукьарнавай ва СССР-дин спортдин лайихлу мастер Лев Яшинан экуь къаматдизни спортдин “Динамо” обществодин 90 йисаз бахшнавай. Акъажунра 960 командади, санлай цIуд агъзурдав агакьна аялри иштиракна.
“Тумаждин туп” турнир агалунин мярекатда шегьердин мэриядин, республикадин минспортдин векилри ва футболдал рикI алайбуруни тренерри иштиракна. Яшарин категорийрай сифтегьан чкаяр кьур рушаринни гадайрин вири командайрив медалар, гьуьрметдин кубокар, грамотаяр вахкана.
Лезги Газет
