Жегьилар желбзава

Диалог культур” лишандик кваз кьиле фейи жегьилрин этнофорум республикадин дережадин зурба мярекатдиз элкъвена.

РД-дин культурадин министерстводин къуллугъчийри, районринни шегьеррин администрацийрин культурадин отделрин работникри ва гзаф маса ксари элкъвей столдин къайдада региондин культурадин хел вилик тухунин карда яратмишунрал машгъул жегьилрин ролдикай веревирдер авуна. Идалайни гъейри, этнофорумдин сергьятра аваз М.Жемалан тIварунихъ галай Дагъустандин худучилищедин жегьил художникрин арт-проект кьиле фена. Студентри портретрин ва натюрмортрин жанрай кIвалахзавай ва мастер-классар тухузвай.

Дербентдай тир Мирисмаил Сеидован “Руьгьдин эвер гун” выставкани кьиле фена. Тамашачияр адан тIебиатдин шикилрихъ галаз таниш хьана. Гьа са вахтунда Дагъустандин халкьарин этновыставкани тешкилнавай.

Этнофорум халкьдин сивин яратмишунрай концерт гуналди да­вам хьана.

«Лезги Газет»