Красноярский крайдин альпинистрин десте Дагъларин уьлкведа виридалайни четин дагъдиз акьахун патал Дагъустандиз мугьман хьана.

Докъузпара райондин сергьятра авай Яру дагъдиз, Базардуьзуьдиз акьахун патал  Къурушрин хуьруьн патав альпинизмдай международный фестиваль кьиле тухунни адетдиз элкъвенва. Иниз Москвадай ва масанрай тежриба къачуз студентарни къвезва, экстремальный туризмдал рикI алай ксарни. Яру дагъдиз акьахунин маршрут лап четин 6Б категориядик акатзава. Ам Яру дагъдин цал, плато хьизни малум я. Дагъустан ва Азербайжан республикайрин сергьятдал алай и дагъла­рин гуьзелвал, такабурлувал вуч я!

Дагъустан Республикадин альпинизмдин федерациядин председатель Пётр Леонова къейдзавайвал, цIинин сезонда Красноярскдай атанавайди и дагъдиз акьахай пуд лагьай десте я. Дагъ муьтIуьгъарун ру­гуд юкъуз давам хьана. Гьар жуьре дестейрихъ дагъ муьтIуьгъариз ру­гуд сеферда чалишмиш жедай мум­кинвал авай. Абурукай Ставрополдин крайдин ва Дондал алай Ростовдин альпинистрин дестей­ри­вайни Яру дагъдиз акьахиз хьана.­

— Вири командайри альпинизмдай чпин гьахъ-гьисабар  Россиядин чемпионатдин судьяйрин коллегиядив агакьарда. Ноябрдин эхирра Кьиблепатан Дагъустандиз кеферпатанвийрин агалкьун тикрарун патал Владивостокдай спортсменар къведайвал я, — алава хъувуна Пётр Леонова.

Дагъви Шериф

ОСТАВЬТЕ ОТВЕТ

Войти с помощью: 
Пожалуйста введите ваш комментарий!
Введите ваше имя