И йикъара Мегьарамдхуьруьн райондин кьил Фарид Агьмедов, адан заместитель Гьабибуллагь Мурадалиев, образованидин управленидин профсоюздин тешкилатдин председатель Шевкет Мегьамедов, “Ярагъ-Къазмаяр” СП-дин кьил Къазагьмед Къазагьмедов Ярагъ-Къазмайрал цIийи школадин эцигунар кьиле физвай гьалариз, чкадал фена, килигна.

Эцигунрин кIвалахар “Елена” ООО-ди кьиле тухузва. Райондин кьили устIаррихъ галазни суьгьбетарна. “Алай аямдин шартIара чIехи фикир образованидиз гун герек я. Сифте нубатда ерилу чирвилер къачудай шартIар арадал гъана кIанда”, —  лагьана Ф.Агьмедова.

ЦIийи школа лап вижевай чкадал эцигзава. Санлай адаз 4 гектар чил чара авунва. Кьве мертебадин и дараматда гележегда 320 аялдивай чирвилер къачуз жеда.