Дербент шегьерда лезги халкьдин игитвилин “Шарвили” эпосдин сувар кьиле тухунин рекьяй республикадин тешкиллувилин комитетдин заседание хьана.
Сулейман-Стальский райондин сайтди хабар гузвайвал, ана Ахцегь, Докъузпара, Кьурагь, Мегьарамдхуьруьн, Сулейман-Стальский ва Хив районрин кьилери, гьакIни Дербент шегьердин администрациядин жавабдар къуллугъчийри иштиракна.
Веревирдер авурдалай гуьгъуьниз заседанидин иштиракчийри лезги халкьдин игитвилин “Шарвили” эпосдин республикадин суварин серенжемар, тестикьарнавай пландал асаслу яз, 2017-йисан 29-июлдиз Ахцегьрин хуьре тухун къарардиз къачуна.
Вири ватандашриз лезги халкьдин игитвилин “Шарвили” эпосдин суварин мярекатрик иштиракун патал теклифзава.
