Мукьвара Сулейман-Стальский райондин Сардархуьре, Ватандин ЧIехи дяведин иштиракчи Азим Алимован экуь къаматдиз бахшна, дзюдодай республикадин IV турнир кьиле фена. Гьуьрметлу мугьманар яз Россиядин Федерациядин лайихлу тренер Жабраил Мегьамедова, дзюдодай дуьньядин чемпион Рустам Гьамзатова ва маса машгьур ксари иштиракай турнирдиз Махачкъаладай, Къизилюртдай, Буйнакскдай, Дербентдай ва маса шегьеррайни районрай тир 2001-2003-йисара дидедиз хьанвай I80 спортсмен атанвай. Абуру заланвилин 9 категориядай бягьсер тухвана. Къизгъиндаказ кьиле фейи акъажунра 1-чка Сулейман-Стальский райондин, 2-чка Махачкъала ва 3-чкани Къизилюрт шегьеррин командайри кьуна.
Райондин спортсменрикай турнирда 1-чкаяр Насир Халилова (35 кг), Анзор Рагьманова (45 кг), Артем Селимова (50 кг) ва Маил Шерифова (55 кг) кьуна.
Турнирда 1, 2 ва 3-чкаяр кьур спортсменриз, талукь тирвал, 5000, 3000 ва 1000 манатдин кьадарда аваз пулдин призар, медалар ва дипломар гана.
Хазран Кьасумов
