18-20-ноябрдиз Хасавюртда Гь.Гьамидован тIва­ру­нихъ галай Спортдин дворецда Россиядин кIвен­кIвечивал патал 1998- 2000- йисара  дидедиз хьанвай жегьил  пагьливанрин арада азаддиз кьуршахар кьунай акъажунар кьиле фена.

Акъажунра Дагъустан, Кеферпатан Осетия, Крым, Чечен республикайрин, Ка­ли­нинград­ский, Мос­ков­ский, Кемеровский областрин, санлай къачурла, Россиядин 32 региондай атанвай 427 пагьливанди, гьа жигьетдай яз Докъузпара рай­ондин Къаракуьре хуьряй тир Атам Шихмурадовани иштиракна. 7

9 килограммдин заланвал авай­бурун жергеда Атама сад лагьай чка кьуна. Ада кIуьд йис тамам хьайидалай инихъ азаддиз кьуршахар кьунай тренер, вичин буба Амудер Ве­лимурадовичан гъилик вердишвилер къачузва. Атам Шихмурадов Да­гъустандин  чемпионатрин призер, РФ-дин спортдин мастер я.

«Лезги газет»

ОСТАВЬТЕ ОТВЕТ

Войти с помощью: 
Пожалуйста введите ваш комментарий!
Введите ваше имя