Республикадин “Шарвили” эпосдин суварин къаршидиз

29-июлдиз къадим Ахцегьа нубатдин сеферда лезгийрин игитвилин “Шарвили” эпосдин суварин мярекатар кьиле фида.29-июлдиз къадим Ахцегьа нубатдин сеферда лезгийрин игитвилин “Шарвили” эпосдин суварин мярекатар кьиле фида.14-июлдиз Ахцегьа лезги халкьдин игитвилин “Шарвили” эпосдин 18-суварин оргкомитетдин нубатдин заседание кьиле фена. Адан кIвалахда Дербент шегьердинни Кьиблепатан Дагъустандин районрин культурадин управленийринни отделрин регьберри, спорткомитетрин председателри ва маса юлдашри иштиракна.Заседание Ахцегь раймуниципалитетдин кьилин заместитель Алмас Шуаева кьиле тухвана. Ада къейд авурвал, “Шарвилидин” сувар лайихлудаказ кьиле тухунин гьакъиндай райадминистрацияди махсус къарар кьабулна, ам кьилиз акъудзава: райцентрадин рекьерни майданар гуьнгуьниз хкунин мелер тешкилзава, махсус лозунгарни транспарантар, теклифдин чарарни пропускар, “Лап хъсан майдан” конкурсдин положение гьазурнава, оргкомитетдин членрин везифаяр тайинарнава.Суварин мярекатар, гьар йисуз хьиз, В.Эмирован тIварунихъ галай багъда, майданрал тешкилда.

“Шарвили” эпосдин суварин программа:— Сятдин 7 — КIелез хиве сегьерар.— Сятдин 9 — Райондин сергьятдал мугьманар къаршиламишун.— Сятдин 10 — Виликамаз тайинарнавай майданрал районринни шегьеррин яратмишунрин коллективрин концертар — килигунар.— Сятдин 11 — Спортдин мярекатар.— Сятдин 12 — Шад гьалара сувар ачухунин мярекат.— Сятдин 12:30 — Валентин Эмирован тIварунихъ галай багъда суварин чIехи концерт.— Нянин сятдин 9 — КIелез хивел фейерверкар.

Дашдемир Шерифалиев