“Иван Ярыгинан” Гран-придиз талукь яз кьуршахар кьунай Дагъустандин хкягъай командадин учебно-тренировочный сборар башламишнава.

8-январдиз Махачкъалада Олимпиададиз гьазурунин центрада башламишнавай сборра 50 спортсменди иштиракзава. Дагъустандин командадик Олимпиададин призёрар тир Абдулрашид Садулаев, Билял Маховни ква.
“Ярыгинан” мемориал 26-27-январдиз Красноярскда кьиле фида. Дагъустандин спортсменар патал и акъажунар 30-апрелдиз — 6-майдиз Каспийскда кьиле фидай Европадин чемпионатдиз акъатунин имтигьан я.
И тренировкаяр 22-январдалди давам жеда. Къейд ийин, са пай спортсменар патал сборар фад акьалтIда, абур “Ярыгинан” мемориалда иштиракиз ихтиярар таганвайбур я. Ахьтинбур патал 18-январдиз Красноярскда Миндиашвилидин тIварунихъ галай Академиядин призар патал акъажунар кьиле фида. Ана хъсан нетижаяр къалурайбуру Мемориалдани иштиракдайвал я.

 Дагъви Шериф