1960-йисара Дагъустандин Кьибле пата авай цIудралди хуьрер, чкадин агьалийриз кIанзни-такIанз, дуьзенриз куьчарна. Гьа жергедай яз, виликан Кьасумхуьруьн, гилан Сулейман-Стальский райондин Ивигарни. Са мус ятIани ина уьмуьр ргазвай. Ивигар! Адан тарих девиррин деринра ава, ам ахтармишнавач. Хуьруьхъ еке тарих авайди кьуд пад тирвал чкIанвай сурари ва чиликай хкис хьанвай куьгьне хандакIри шагьидвалзава. Ивигар гьи асирда арадал...
Гилийрин школада чешнелу аялрикай сад 10-классда кIелзавай Мирзебалаева Полина я. КIелунрилай гъейри, адан рикI спортдални ала. 3-классдилай ам спортдин гьар жуьре секцийриз физва, алай вахтунда ГТО-дин нормативар агалкьунралди вахкузва. Школада каратэдин секция кардик акатайла, дагъви руша спортдин и жуьредайни вердишвилер къачун кьетIна. Рушан алакьунар акур адан тренер Мурад Амаханован теклифдалди Полина райондин ДЮСШ-да каратэдин тренер...
И мукьвара РД-дин туризмдин ва халкьдин художественный сеняткарвилерин рекьяй Министерстводин коллегиядал, 2017-йисан нетижаяр кьуналди, аялар сагъарунин метлебдин “Ахцегь” ва “Гуниб” санаторияр республикада лап хъсанбур яз гьисабна. РД-дин туризмдин министрдин везифаяр вахтуналди тамамарзавайди тир Рабият Закавовади “Дагъустанда санаторно-курортный хел вилик тухунай” и медидарайрин руководителар тир Жамиля Зейналовадизни Али Мегьамедоваз дипломар гана. Республикадин аялрин “Ахцегь” тIвар алай...
Илимдин, зегьметдин рекье гъиле кьур кардив сабурдалди, мукьуфдивди, рикl гваз эгечlуни зурба нетижаяр арадал гъида. Чи куьруь ихтилат вичиз гьа ихьтин ерияр хас тир лезги алим Ашраф Баламетовакай я. Тlвар-ван авай алим, технический илимрин доктор, профессор, Вирихалкьарин Экоэнергетический Академиядин член, “Элетроэнергетический системадин тайинарнавай къайдаяр” илимдин хилен регьбер Ашраф Баламетович Баламетован ери-бине Кцlар райондин Эчlехуьряй я....
Дуьз тIуьн инсандин сагъламвилин, къуватдин ва гуьрчегвилин замин я. Чи йикъара сагълам уьмуьр тухунал амалзавайбуру Мугьаммад Пайгъамбарди къалурай меслятар раижзава. Гьихьтинбур я а меслятар? Сад лагьайди — тIуьнин кьадар. Суннади (Мугьаммадан уьмуьрдай вири мусурманри чешне къачуна кIанзавай къайдаяр, амалар…) тестикьарзавайвал, тIуьнин къизилдин дережа кьадардилай гзаф тIуьн тавун я. Чна ишлемишзавай тIуьнин кьадарди ва ериди чи...
Дурсунан гьисабар. Совет гьукуматдин вахт тир, Са ихьтин кар хьанай заз чир: Муаллим авай — тIварни Дурсун, Чидач, гьикI ам хьанай усун. Директордиз гана арза: — Мад мектебда кIвалахдач за! Гьа са гафар тикрардай кьван, Заз и кIвалах хьанва такIан. Мажибни зи язва тIимил, ГьикI хуьда за адалди кьил? Фида гила зун туьквендиз, Бязибур хьиз,...
РФ-дин силисдин комитетди алай вахтунда вичик лутувиляй тахсир кутунвай РД-дин виликан гьукуматдин кьил Абдусамад Гьамидоваз талукь яз мад са уголовный дело къарагъарнава. А. Гьамидован тахсиркарвилин «чантадиз» РФ-дин УК-дин 286-статьядай нубатдин дело алава хъувунва. И гьакъиндай РФ-дин СК-дин малуматдин бинедаллаз «Хабарар» РИА-ди хабар гузва. Накь, 3-апрелдиз, Москвадин Басманный судди А.Гьамидов дустагъда тунин вахт 30-июндал кьван артух...
Сулейман-Стальский районда мектебда кlелзавайбурун арада КВН-дин зонадин пай кьиле физва. Къугъун тешкилайбур райондин образованидин управление, спортдин, туризмдин ва жегьилрин крарин рекьяй комитет, жегьилрин парламент я. Къугъунар «Тебрикдин гаф», «Кlвалин кlвалах», «Манидин нумра», «Импровизация» конкурсрикай ибарат я. Къугъуна райондин умуми образованидин 26 идаради иштиракда. Алай вахтунда къугъунар зонадин дережада аваз, гьар зонада вад дестеди иштиракуналди, кьиле...
Малум тирвал, алай йисуз лезгийрин зурба шаир, Дагъустандин классик, лезги чlалан литературадин чlала бине эцигай Етим Эмин дидедиз хьайидалай инихъ 180 йис тамам жезва. Шаирдин гьуьрметдай 2018-йис Сулейман-Стальский районда Етим Эминан йис яз малумарнава. Адан сергьятра аваз райондин ктабханайра, хуьрера, мектебра юбилярдин ятармишунриз, уьмуьрдиз талукьарнавай са жерге мярекатар кьиле физва. И йикъара Сардархуьруьн ктабханада «Етим...
И йикъара Мегьарамдхуьруьн М.Гьажиеван тlварунихъ галай 1-нумрадин юкьван мектебда Вирироссиядин «Веселые старты» акъажунрин финалдин къугъун кьиле фена. Мярекатда 5-11-классра кlелзавайбурукай ибарат тир хкягъай дестейри иштиракна. Акъажунрин программа гегьеншди тир. Дестейриз чукурунин, хкадарунин ва маса жуьредин конкурсар теклифнавай. Школьникри чпин кlубанвал ва алакьунар къалурна. Акъажунрин нетижада жюриди сад лагьай чка Мегьарамдхуьруьн 1-нумрадин мектебдин дестедиз гана. Кьвед...
