Каспийскда чи ватанэгьли, ушу-саньдадай международный классдин спортдин мастер, Дуьньядин чемпион Юнус Гьуьсейнован экуь къаматдиз бахшнавай 4-международный акъажунар кьиле фена.
И акъажунра Дагъустандай, къунши регионрай ва уьлквейрай тир 100-лай гзаф пагьливанри иштиракна. Абурун арада Дуьньядин ва Европадин чемпионарни авай.
РД-дин спортдин ва физический культурадин министерстводин пресс-къуллугъди хабар гузвайвал, и турнирда чпин заланвилин категорийрай Зияудин Гьажиев (60 кг.), Али Далгатов (65 кг), Салаутдин Абушев (70 кг), Багатыр Казанатов (70 кг), Расул Омаров (80 кг), Шамил Рамазанов (85 кг), Ислам Юсупов (90 кг), Гитиномегьамед Мегьамедов (+90 кг) чемпионар хьана.
Къейд ийин, турнирдин кьилин приз автомашин тир. Пресс-къуллугъдин делилралди, адан иеси 65 кг-дин заланвал авайбурун арада гъалибвал къазанмишай Али Далгатов хьана. Вичин девирда Юнус Гьуьсейновани заланвилин гьа и категориядай бягьсер тухвайди тир.
Дагъви Шериф
