Дагъустандин векилри ММА-дай Россиядин кIвенкIвечивал патал кьиле фейи акъажунра къизилдин пуд, гимишдин кьуд ва буьруьнждин са медаль къазанмишна.

23-25-сентябрдиз Великие Луки шегьерда дуьньядин ва Европадин турнирриз фидай рехъ Усман Нурмегьамедоваз (65,8 кг), Жамбулат Межидоваз (84 кг), Мегьамед Ибрагьимоваз (93 кг) ачух хьана. Абур пудни юниоррин арада чемпионар хьана. Гьа ихьтин яшар авайбурун арада кьвед лагьай чка Ислам Багомедова (77,1 кг), Шамсудин Магьмудова (+93кг) кьуна. 48 кг-дал къведалди заланвал авайбурун арада Рамазан Мегьамедова 2-чка кьуна. Гьа ихьтин нетижа 57 кг-дал къведалди заланвал авайбурун арада Азизагъа Азизагъаевани къалурна, Омар Алиев 84 кг-дал къведалди заланвал авайбурун арада 3-чкадиз лайихлу хьана.

Россиядин кIвенкIвечивал патал акъажунра 68-дакай 34 медаль гьар жуьре регионрин патай векилвалзавай дагъустанвийриз хьана.

«Лезги Газет»