Грекринни римлуйрин жуьреда кьуршахар кьунай 2008-йисуз Олимпиададин къугъунра кьвед лагьай чка кьур Виталий Рагьимова Къазахстандай тир Нурбахыт Тенизбаевав медаль вахкана.
Пекинда гимиш къачур чи спортсмен допинг себеб яз медалдивай хьана. Алатай йисан ноябрдин вацра Олимпиададин международный комитетди икI гьисабна.
Медаль Къазахстандиз рахкур хъувуна ва Н.Тенизбаевав вахканва. Пекиндай къазах буьруьнж гваз хъфенай.
Агьвалатдин гьакъиндай ингье вуч лугьузватIа чи спортсменди: “Муьжуьд йис вилик завай дуьшуьшдай гьихьтин ятIани къадагъа препарат ишлемишиз жедайни? За анжах витаминар кьабулзавай. Квез чизва, муьжуьд йис алатнава. Гила мад сеферда ахтармишунар тухунин, завай ва маса спортсменривай медалар вахчунин вуч гереквал ава? Хъвер къвезва. Им нин фикирдиз атай кIвалах я? Низ акси яз? За фикирзава, им политикадин месэла я”, — арза авуна Виталий Рагьимова.
«Лезги Газет»
