Россиядин футболдин лигадин кьуд лагьай турда “Анжи” “Ростовдиз” кумукьна. Матчда анжах са туп яна, вични 19-декьикьада Россиядин вице-чемпионрин 2015/2016-йисарин сезондин форвард Владимир Дядюнина.
* * *
Кьве вацра ял ягъайдалай кьулухъ Футболдай республикадин чемпионат давам жезвайдакай хабар гузва региондин футболдин Федерациядин председателдин заместитель Ордаш Алиева.
Ада къейд авурвал, “Анжи-2” Пешекар футболддин лигадиз экъечIун себеб яз и команда республикадин чемпионатдай акъатзава. 2016-йисуз гатун ял язавай вахтунда чемпионатдай “Легион” акъатнай.
— Дагъустандин чемпионатдай командаяр Россиядин пешекар футболдиз финал чна шадвалзава. Адет хьанвай чемпионатда ял язавай вахтунда чна Дагъустандин Кубок патал къугъунар тешкилна. Алай вахтунда акъажунрин финалистар тайинарнава. Абурун арада Каспийскдин олимпийский резервдин училище (УОР) ва Мегьарамдхуьруьн райондин “Леки” командаяр ава. Финалдин къугъунар сентябрдин юкьвара жеда, — хабар гана О.Алиева.
Ирид тур къугъвайдалай кьулухъ турнирдин таблицада сифте чкадал УОР, адан гуьгъуьнал “Леки”, “Хасавюрт” ала.
Дагъви Шериф
