«Лезги газетдин» сайтди 12-августдиз лезги халкьдин векилар диндин машгьур деятель, тIарикъатдин шейх, чIехи арифдар хьайи Мегьамед Ярагъидин сурал физвайдакай виликамаз хабар ганай.

Къе республикадин меркездай, Дербентдай, хейлин районрайни хуьрерай Гуниб райондин Согъратл хуьруьз и пак серенжемда иштиракун патал хейлин инсанар рекье гьатна. Санлай  къачурла, машинрин кьадар саки са вишев агакьзавай.

Зияратдал фенвайбурун арада диндин векилар, республикадин государстводин къурулушра кIвалахзавайбур, алимар, муаллимар, журналистар ва масабур авай. «Лезги газетдай» и серенжемда культурадин отделдин редактор Эмираслан Шерифалиева иштиракна.

Зияратдикай гегьеншдиз квевай «Лезги газетдин» нубатдин – 33-нумрадай кIелиз жеда. Ам къведай гьафтедин хемис юкъуз кIелдайбурув агакьда ва электрон вариант сайтда эцигда.

«Лезги газет»