Чиновникри эцигзава къелеяр,

Хьанва абур тух тежедай девеяр­.

* * *

Вахни кIамач гила жуван стхадиз.

Папан вилик, каци хьиз, тум галтадиз.

* * *

Паб хьайила кIвалин къене тIамада,

Гъуьл — куьчеда, саймиш тийиз чарада.

* * *

Рушан абур кагьрабаяр, кифер я,

Вичин намус хуьзавай руш иер я.

* * *

Аллагьди ваз яшайишдин пай гана,

Вучиз вуна и дуьньядиз цIай гана?

* * *

ФизватIа вун кпIар ийиз мискIиндиз,

Кимени твах жува-жув гьахъ итим хьиз.

* * *

Дустунал на пехилвилер ийимир.

Ваз кIан туштIа, адан кIвализ гьич фимир.

Вадим Жамалдинов