Идрисан майишат

Разивилелди лугьун, Ахцегь районда фермервилел машгъул инсанар пара жезва. 

Райцентрадин Гуьней пата яшамиш жезвай Идрис Шамхаловахъни фермервилин гъве­чIи майишат ава. Иесиди ам къвердавай гегьеншарзава. Ада уьрдегар, къазар, уьндуьшкаяр, гьар жуьре жинсерин верчер, цIегьер, къуьрер хуьзва. Къазариз ва уьрдегриз сирнавдай вир туькIуьрнава. “Брама” тIвар алай немсерин жинсинин верчер гъанва. Абурувай, хъуьтIуьн вахтунда 40-50 градусдин мекьивал эхиз жеда, недай шейэр живедин кIаникай жагъурзава. Пуд агъзур квадратный метрдин майдан кьунвай хсуси багъда фермерди гьакI емишарни гьасилзава. И.Шамхаловахъ 150 ци­цIиб акъуддай инкубаторни ава. Идрисан фермервилин майишатда цIегьер ва къуьрер патал кьилдин чкаяр туькIуьрнава. Ина авай вири гьайванрихъ ва къушарихъ хъсан гелкъуьн тешкилнава.

Рагьидин Эминов