Гилийрин рушарин гъалибвал

19-ноябрдиз Мегьарамдхуьруьн 2-нумрадин ДЮСШ-да райондин кIвенкIвечивал  патал школайрин рушарин командайрин арада во­лей­болдай акъажунар кьиле фена.

И турнирдин ­кьилин макьсад, А.И.Гьажиев рикIел хкуниз талукьарна, районрин арада кьиле тухудай тур­нирдиз  Мегьарамдхуьруьн хкягъай команда кIватIун тир.

Маракьлудаказ кьиле фейи и акъажунра  14 командади иштиракна. Ярумчух финалдиз 4 команда, финалдизни 2 команда  — Гилийринни Къуюстанрин, — акъатна. Гилийрин рушари 2:1 гьисабдалди гъалибвал къазанмишна. Кьилдин гьисабда Гилийрин школадин рушари — К.Айдемировади, Э.Мирзебалаевади, А.Мегьамедовади, Д.Османовади, К.Османовади, С.Пирмегьамедовади чпин алакьунар къалурна. Гьелбетда, и алакьунар цавай аватнач. Рушар вердишарунин карда школадин физкультурадин секциядин руководитель Дустарханов Артуран зегьметни тариф авуниз лайихлу я. Мукьвара кьиле фидай районрин уртах акъажунра Мегьарамдхуьруьн райондин патай Гилийрин рушари векилвалда.

Фазила Абасова