Сулейман-Стальский районда 2015-йисалай «Куьредин ярар» тӀвар алаз журнал акъудзава. Ам пуд вацралай са сеферда акъатзава. Журнал гьи чIавалай хьайитIани подписка ийидай мумкинвал ава ва алатай, гилан йисарин гьи нумра хьайитIани почтунай рахкурзава.

2018-йисуз «Куьредин ярар» журналдин электронный вариантни подписка ийизва. Ида яргъал чкайра яшамиш жезвай лезгийриз журналдикай менфят къачудай мумкинвал гузва.

Журналдин кьилин макьсад лезги халкьдин чIал, меденият, эдебият, тарих хуьн, чирун ва вилик тухун я. Ада лезги ва урус чIаларалди макъалаяр гунин себебни шегьерра яшамиш жезвай са кьадар лезги жаванриз дидед чIал тамамдаказ чир тахьун я.

Алай вахтунда «Куьредин ярар» медениятдин меркезди пулсуз лезги чIалалди яратмишзавай авторрин ктабарни форматироватзава, школайриз яратмишзавайбурун портретар, плакатарни гьазурзава. «Куьредин ярар» медениятдин меркездин ва журналдин векилри чпин кIвалахда вири лезгийриз иштираквал авун патал теклифзава.

Журналдин редакция Кьасумхуьрел ала. Адахъ галаз алакъа хуьз, ам кхьиз к\анзавайбурувай журналдин электронный адресдикай ahmedpasha@list.ru хийир къачуз жеда.