Лезги Газет №6 2018 г.

Играми кIелзавайди!

«Лезги газетдин» 2018-йисан 6-нумра экономикадин отделдин редактор Жасмина Саидовади РД-дин рекьерин майишатдин крарай Агентстводин руководителдин сад лагьай заместитель Мегьамед Тагьировахъ галаз тухванвай интервьюдилай гатIунзава. Республикадин дережадин “Гъепцегь-Тагьирхуьр” рехъ гьинал кьван давам жезва? ЦIийи рекьер гьикьван вахт фикирда кьуна туькIуьрзава? Мегьарамдхуьруьн райондин Азадогъли хуьряй Самурдиз фидай рехъ туь­кIуьру­никай вуч лугьуз жеда? Кьиблепатан Дагъустандин вири­далайни муракаб рекьерикай сад тир Ахцегь райондин Хинерин хуьруьн  рехъ гьи гьалда ава? И ва Кьиблепатан Дагъустандин рекьериз талукь са жерге маса суалрин жавабар «Кьиблепатан Дагъустандин рекьер. Гьакъикъат ва месэлаяр» макъаладай кIелиз жеда.

«Суддин къарардалди» макъалада ФСБ-дин къуллугъчийри кьунвай Дагъустандин чиновникрин тахсирдикай, абуруз ганвай жазадикай ихтилатзава.

Газетдин 4-чина, Етим Эминан 180 йисан юбилейдин сергьятра аваз, Дагъустандин халкьдин шаир Арбен Къардаша кхьенвай «Эммина-Ярагъ Мегьамедакай» макъала чапнава.

Нариман Ибрагьимован «Ирс хуьн ва вилик тухун» лезгийрин бажарагълу шаир Майрудин Бабаханован са шумуд ктабдикай авунвай веревирдериз бахшнава. «Рангулат». Вучиз ктабдиз ихьтин тIвар ганва? Ана квекай ихтилат физва? Макъала са жерге маса делилралдини итижлуди хьанва.

Газетдин и нумрада филологиядин илимрин кандидат, ДГУ-дин доцент Нариман Абдулмуталибова Гьаким Къурбанан «Лезги урус гафарган»-дикай кхьенвай макъаладин эхиримжи пайни гьатнава.

Эдебиятдин чина философиядин илимрин доктор Омар Гьуьсейнован «Къалхандин цуьк» гьикая, Куругъли Ферзалиеван памфлетни мезели ва Луиза Агьмедовадин шиирар ганва.

«Чи ватанэгьлияр-гьар сана» рубрикадик кваз ганвай «Бажарагълу духтур» макъалада Ижевск шегьердин медицинадин 3-нумрадин клиникадин заведующий, вичин бине Сулейман-Стальский райондин Алидхуьрелай тир Сийидали Мегьамедовакай раханва.

«Лезги газетди» цIийиз ачухнавай «Лезги хуьрер» рубрикадик кваз и сеферда ДГУ-дин студентка Амина Шагьпазовади Аладашрин хуьруькай кхьенвай макъала чапнава.

Газетдин 6-нумрада жуьреба-жуьре темайрай кхьенвай итижлу макъалаяр мадни ава…

 

 

Данный контент имеет ограниченный доступ Войдите или зарегистрируйтесь на сайте, чтобы оплатить доступ к закрытому контенту

Тарифы для аккаунта "Платный доступ"

Месячный доступ Время доступа:
1 м. 0 дн. 0 ч. 0 мин.
50 P
Годовой доступ Время доступа:
12 м. 0 дн. 0 ч. 0 мин.
300 P