Алай йисан 19-23-июндиз государстводин корпорациядин — ЖКХ цIийикIа туьхкIуьр хъийиз куьмек гунин  фондунин  рабочий дестеди Дагъустан Республикада ахтармишунар кьиле­ тухузвай, хабар гузва Дагъустандин гзаф квартирайрикай ибарат­ кIвалера умуми эменнидик акатзавай чкаяр капитальный ремонт авунин алишверишдинди тушир  фондунин пресс-къуллугъди.

ЖКХ-дин фондунин  пешекарри яшайишдин чIуру гьалда авай  куьгьне кIвалерай  агьалияр куьчарунин, гзаф квартирайрикай ибарат кIвалера умуми эменнидик акатзавай чкаяр капитальный ремонт авунин программаяр уьмуьрдиз куьчуьрмишзавай Феде­ральный  “ЖКХ  цIийикIа туьхкIуьр хъийиз куьмек гунин фондунин­  гьакъиндай” закондин 14-статьяда къалурнавайвал, фондунин гьисабдай финансрин куьмек гунин шартIар кьилиз акъудзавай тегьер ахтармишна, гьакIни, региондин адресный программайрин сергьятра аваз, агьалияр чIуру гьалда авай яшайишдин кIва­лерай куьчарун патал эцигнавай гзаф квартирайрикай ибарат кIвалера авай нукьсанар арадай акъудунал гуьзчивална.

Капитальный ремонтдиз талукь  ахтармишунар  Махачкъала шегьердин Энгельсан куьчеда авай 49-нумрадин ва Акушин­ский­дин­ куьчеда авай 11“б “-нумрадин кIвалера авуна. ЖКХ-дин фондунин рабочий дестеди гьакIни капитальный ремонтдин программадиз  талукь  документар ахтармишна.

Санлай къачурла, пешекарри капитальный ремонтдиз талукь кIвалах республикада хъсандаказ тешкилнавайди, амма агьалийривай взносар тIимил кIватIзавайди къейдна. Бинедилай ремонт хъувунвай кIвалера авунвай кIвалахрин еридиз талукь наразивилер хьанач.

23-июндиз Дагъустан Республикадин гзаф квартирайрикай ибарат кIвалера умуми эменнидик акатзавай чкаяр капитальный ремонт авунин фондуни ва РД-да государстводин ва муниципальный къуллугъар тамамардай гзаф везифайрин центради (МФЦ)  капитальный ремонтдин взносар къачунин гьакъиндай икьрардал къулар чIугуна. 1-июлдилай Дагъустандин агьалийривай  капремонтдиз кIватIзавай пулар МФЦ-дин кассайра гуз жеда.

Икьрардал къул чIугунин мярекатда фондунин руководитель Ме­гьамед Алиева ва Республикадин МФЦ-дин директор Осман Хаспулатова иштиракна, хабар гузва фондунин пресс-къул­лугъди­­­.