Муаллим — им майил, гьевес я. Муаллимвилин пеше анжах жуьрэтлу ксари хкязава. Муаллимдин зегьметдиз халкьдин арада датIана гьуьрмет ава.

Зи муаллим мад школадиз хкведач, ам чаз мад ахквадач, рагьметдиз фена лагьай чIулав хабарди  Къагьриман  Рафи­ханов чидай вирибурун бейни чукIурна. Къе заз зи муаллим, насигьатчи  рикIел  хкиз  кIан­зава.

Рафиханов Къагьриман Нурметович 1956-йисуз Хачмаз райондин Яламада дидедиз хьана.

Вичин зегьметдин рехъ ада 1973-йисуз тамарин майишатда рабочийвилелай башламишна. Армиядай хтай жегьилди 1980-йи­салди “Дагдизель” заводда кIвалахна. Даггосуниверситетдин тарихдин факультет акьал­тIа­райла, ада 1986-1988-йисара Дер­бентдин 14-нумрадин школада кIвалахна. Чранвай пешекар яз ам 1988-йисуз хайи хуьруьз хта­на. Вичи кIелай школада тарихдин тарсар гуз хьана. Ада аялрин ва диде-бубайрин, вири хуьруьнвийрин арада чIехи гьуьрмет къазанмишна. Чаз, ада тарсар гайи аялриз, тарихдин тарс кIа­нарна. 1988-1990-йисара школадин муаллим Къагьриман Рафиханов хуьруьн кавхавилени хкянай.

61 йисан яшда аваз мукьвара ам кечмиш хьана. Къе Къагьриман муаллим чи арада амач­тIа­ни, адан къамат, тIвар чи ри­кIелай садрани алатдач.

Магьира Успатова, ДГПУ-дин СБИО-дин отделдин заведующий

ОСТАВЬТЕ ОТВЕТ

Войти с помощью: 
Пожалуйста введите ваш комментарий!
Введите ваше имя