Режиссер Федор Бондарчукан «9-рота» тIвар алай художественный фильмдиз чакай гзафбур килигнава. Ана 1980-йисарин эхирра СССР-дин Яракьлу къуватрин жергейра къуллугъун патал Красноярскдай эвер ганвай ва Афгъанистандиз рекье тунвай аскеррин гъвечIи дестедин кьисметдикай суьгьбетзава. Фильмда гьакIни 1988-йисан эвел кьилера «Магистраль» серенжемдин вахтунда 9-ротадин 345 лагьай кьилдин парашютно-десантный  полкунин аскерри кьиле тухвай женгерин вакъиаяр ачухарнава.

Лагьана кIанда, фильм, гьакъикъатда кьиле фейи вакъиаяр бинеда кьуна, туькIуьрнава. Амма чаз кIелзавайбурун фикир и фильмдал ваъ, Ф.Бондарчукан лентинин кьилин игитрикай сад  Абас Исрафилов хьунал желб ийиз кIанзава. Чи викIегь ватанэгьли, СССР-дин Игит Абас Исрафилован отделениди моджахедрихъ галаз игитвилелди женгер кьиле тухванай. Гегьенш малуматар агъадихъ галай видеода ава.

[KGVID]https://lezgigazet.ru/wp-content/uploads/2017/05/Legendyi-armii-Abas-Israfilov-2017-IPTVRip.mp4[/KGVID]
P. S.

Афгъанистандин дяведа хьайи кавказвийрикай анжах кьве касдикай Советрин Союздин Игитар хьана: Руслан Аушевакай ва чи ватанэгьли Абас Исрафиловакай. Аушев майор тир, Абас – жергедин аскер. Исрафиловаз Игит лагьай тIвар, йисар алатайла, хейлин идарайриз чарар-цIарар кхьейдалай кьулухъ ганай. Кьисметди дирибаш аскердин кьегьалвал малум туширди яз тунач.

Къейд ийин хьи, Абас Исрафилов Советрин Союздин эхиримжи Игит я.

«Лезги газет»