Алатай гьафтедин эхирра СтIал Сулейманан райондин КIварчагърин хуьре республикадин дережада аваз боксдай Декабрь Мегьамедован экуь къаматдиз талукьарнавай турнир кьиле фена.
Муниципалитетдин администрациядин пресс-къуллугъдин делилралди, акъажунра Дагъустандин жуьреба-жуьре районрайни шегьеррай атанвай 12-13 йисарин яшара авай 110 спортсменди иштиракна.
Турнирдин нетижайралди, командайрин арада 1-чка СтIал Сулейманан районди кьуна (тренер – Альберт Межидов), 2 ва 3-чкайриз Дербент шегьердинни Буйнакский райондин командаяр лайихлу хьана.
Гъалибчийрив шабагьар вахкуниз талукьарнавай мярекатда СтIал Сулейманан райондин кьилин сад лагьай заместитель Лацис Оружева, спортдин, туризмдин ва жегьилрин крарин рекьяй комитетдин директор Чингиз Абдулмежидова, КIварчагърин хуьруьн администрациядин кьил Завидин Загьирбегова, Д.Мегьамедован хва, РФ-дин юстициядин министерстводин къенепатан къуллугъдин подполковник Видади Мегьамедова иштиракна.
КIвенкIвечи чкаяр кьур жаван боксеррив кубокар, медалар, грамотаяр вахкана.
Агьмед Магьмудов
