Кьасумхуьрел, 1-нумрадин ДЮСШ-дин залда, виликан машгьур спортсмен, волейболдай РД-дин хкянавай командада къугъвай Къурбанали Магьмудов рикIера хуьнин лишан яз, гьакIни Россиядин волейболдин 100 йис тамам хьуниз талукьарна, спортдин и жуьредай районрин арада турнир кьиле фена. Адан тешкилатчи райондин спортдин, туризмдин ва жегьилрин крарай комитет тир.
Турнирда Махачкъала, Дербент шегьеррин, СтIал Сулейманан, Ахцегь ва Хив районрин командайри иштиракна. Абур райондин кьилин заместитель Заур Къагьриманова тебрикна ва къугъунра агалкьунар хьун алхишна.
Къизгъиндаказ кьиле фейи къугъунрин нетижада Махачкъаладай тир ДГТУ-дин команда 1-чкадиз лайихлу хьана. СтIал Сулейманан райондин командайри 2 ва 3-чкаяр кьуна.
КIвенкIвечи чкайриз лайихлу хьайи командайриз кубокар, дипломар ва пулдин пишкешар гана.
Хазран Кьасумов
