Июлдин эхирра Москвадин областдин Наро-Фоминск шегьерда грэпплингдай, Россиядин лайихлу тренер Р.С. Бочкаеван экуь къаматдиз бахшна, кьиле фейи Вирироссиядин турнирда 66 кг-дин заланвал авайбурун арада гъалибвал къазанмишай чи ватанэгьли Гьабиб Атлуева гила нубатдин акъажунриз — алай йисан октябрдин вацран юкьвара Сербияда кьиле фидай дуьньядин чемпионатдиз — гьазурвал аквада.
РикIел хкин: Гьабиб Атлуеван ери-бине Ахцегь райондин Фиярин хуьряй я. Ам кесерлу хейлин турниррин, чемпионатрин, гьа гьисабдай яз, алатай йисуз Бакуда грэпплингдай кьиле фейи Европадин чемпионатдин къизилдин медалдин сагьиб я.
