Сагълам несил чIехи авунин карда спортдихъ еке метлеб ава. Мегьарамдхуьруьн районда и кардиз еке фикир гузва, жегьилри агалкьунарни къазанмишзава. ИкI, майдан вацра Мурадхан Зингарова Мароккода кьиле фейи Виридуьньядин гатун 17-гимназияда азаддиз кьуршахар кьунай гимишдин медаль къачуна. 59 уьлкведай атанвай пуд агъзур спортсмен школьникрин арада тафаватлу хьун, Россиядин хкягъай дестедин киседиз шабагь гъун еке агалкьун я. Алай вахтунда жегьил пагьливан дуьньядин чемпионатдиз гьазур жезва.
Вилерин ишигъ зайифбурун арада Москвада дзюдодай кьиле фейи Россиядин кIвенкIвечивиле Назим Саидова гъалибвал къазанмишна.
Залан атлетикадай Дагъустандин чемпионатда Фарид Къазиагьмедов (56 кг заланбурун арада), Пирмет Муталимов (69 кг), Алихан Агъамирзоев (85 кг) гъалиб хьана.
Баскетболдай Филерин школадин “Самур” командади Дагъустандин Кубок патал акъажунра 3-чка кьуна.
Школьникриз чешне Мегьарамдхуьруьн райондин муаллимрин командадини къалурна — РД-дин образованидин идарайрин педработникрин арада кьиле фейи республикадин 8-спартакиадада абуру 1-чка къазанмишна. Акъажунар волейболдай, столдал къугъвадай теннисдай, шахматрай, шашкайрай ва путар гадарунай тир.
Райондин векилар-спортсменар мадни еке кукIушар муьтIуьгъа-риз, мадни чIехи гъалибвилер къазанмишиз гьазур жезва.
ЧИ КОРР.
