15-мартдиз Кьасумхуьруьн 1-нумрадин ДЮСШ-да Сулейман-Стальский райондин мектебра кlелзавайбурун арада волейболдай кlвенкlвечивал патал акъажунар кьиле фена.
Акъажунар жегьилрин арада волейбол машгьур авунин, спортдин жигьетдай устадвал хкажунин, къуватлубур винел акъудунин ва республикадин жуьреба-жуьре акъажунра иштиракун патал хкягъай десте арадал гъунин макьсаддалди тухвана.
Мярекат райондин спортдин, туризмдин ва жегьилрин крарин рекьяй комитетди тешкилна.
Финалда Юкьван Стlалрин ва Агъа Стlалрин мектебрин дестеяр къизгъиндаказ къугъвана. Нетижада 1-чка Юкьван Стlалрин мектебдин дестеди, 2-чка Агъа Стlалрин мектебдин дестеди кьуна. Гъалиб хьайибуруз ва хъсан чкаяр кьурбуруз комитетдин ва «Сад тир Росссия» партиядин патай Кубокар, дипломар, медалар, пулдин пишкешар гана.
«Лезги газет»
