Вини дережада аваз
18-майдиз Дагъустанда чIехи шаир, Дагъларин уьлкведин шииратдин классик, «XX асирдин Гомер», СтIал Сулейман дидедиз хьайи югъ къейдда. РикIел хкин, РД-дин Кьил Сергей Меликован теклифдалди цIи шаирдин 155 йисан юбилейдиз талукьарнавай мярекатар гегьеншдиз, республикадин дережада аваз кьиле фида.
Махачкъалада юбилейдин асул мярекатар 17-майдиз жеда. И юкъуз СтIал Сулейманан тIварцIихъ галай паркуна (адан са пай цIийикIа туькIуьр хъувунва, кIвалахар гьеле давам жезва) экуьнин сятдин 10-далай ктабрин выставка, аялар патал сиягьатар, шииратдин марафонар ва маса серенжемар гатIунда. Сятдин 11-даз шаирдин гуьмбетдин патав гьар йисуз тешкилзавай митинг кьиле фида. Нянин сятдин 5-даз Урус театрдин чIехи залда шииратдин чIехи межлис жеда. Юбилейдин мярекатар 18-майдиз шаирдин ватанда — Агъа СтIалдал — тешкилда.
Юбилейдиз талукьарнавай бязи мярекатра Дагъустандин Кьил Сергей Меликова, РД-дин Гьукуматдин, Халкьдин Собранидин, республикадин муниципалитетрин администрацийрин векилрини иштиракда.
«Лезги газет»
