Агалкьунри шадарзава

14 ва 15-февралдиз Владимирдин областдин Суздаль шегьерда грекринни­ римлуйрин жуьреда кьуршахар кьу­най «Кутузован мемориал» международный турнирда чи ватанэгьли­яр, Москвадин областдин патай экъечI­завай машгьур спортсменар тир Январ ва Анвар Аллагьяроври 60 кг-дал къведалди заланвал авайбурун арада медалар къазанмишна.

И акъажунрин ярумчух финалда иранви Омид Арамиди Анвар Аллагьярован рехъ атIана. Амма финал иранвидиз кьисмет хьанач. Спортдин майданда Анваран стха Январа (абур кьветхверар я) «кьисас вахчуна». ИкI, 1-чкадиз лайихлу хьайи Январаз Россиядин хкянавай командадик кваз Европадин чемпионатда сад лагьай сеферда вичин устадвал къалурдай мумкинвал хьанва.

Анвар Аллагьяроваз буьруьнждин ме­даль патал бягьсина Къазахстандай тир Бакужан Кабдул 6:4 гьисабдалди кумукьна.

РикIел хкин: А. Аллагьяров дуьньядин, Европадин ва Россиядин кIвенкIве­чивал патал акъажунринни чемпионат­рин гъалибчи ва призёр я.

***

И йикъара Хасавюртда азаддаказ кьур­шахар кьунай Дагъустандин кIвен­­к­Iве­чивал патал 16 йисал къведал­ди яшара авай жаванрин арада акъажунар кьиле фена.

Жуьреба-жуьре районрайни шегьеррай гьасиррал чпин устадвал, алакьунар къалурайбурун ва гъалибвилер къазанмишайбурун арада чи ватанэгьлиярни авай. Кьилди къачуртIа, Дербентдин 2-нумрадин ДЮСШ-да тренерар тир Минажудин Къазиеван, Исмаил Рамазанован ва Баграт Эфендиеван гъилик вердишвилер къачузвай Адам Агъаханов (44 кг) - 1, Саид Усманов (44 кг) ва Усман Римиханов (35 кг) 3-чкайриз лайихлу хьана. Чи ватанэгьли, Каспийск шегьердай тир Бадрудин Мегьамедовани (44 кг) и акъажунра 3-чка кьуна.

Гила жаванри СКФО-дин кIвенкIве­чи­вал патал акъажунриз гьазурвал аквада.

***

15-февралдиз Дербент райондин Геджухда волейболдай Дагъус­тандин кIвен­кIвечивал патал 2011-2012-йисара дидедиз хьайи рушарин арада акъажунар кьиле фена.

 

[caption id="attachment_401768" align="aligncenter" width="720"] File written by Adobe Photoshop? 5.0[/caption]

Кьурагь райондин волейболдай СДЮСШ-дин команда 1-чкадиз лайихлу хьана. Рушари тренерар тир С. Шагьмарданован ва Э. Алибегован гъилик устадвал хкажзава.