Са шумуд югъ идалай вилик “Ахцегь район” МР-дин кьил О.Абдулкеримован тапшуругъдалди аялрин Яратмишунрин кIвале (ДДТ) райондин школайра кIелзавай аялрин арада “Лацу ладья” тIвар алаз шахматрай турнир кьиле тухвана. Ана Ахцегьрин 1,2 ва 3 -нумрайрин, гьакI Цуругърин, Хуьруьгрин, Кьурукаларин хуьрерин школайра кIелзавай аялри иштиракна.
Турнирдин кьилин судья ДДТ-дин директор Тамила Аллагьвердиева тир. Къизгъин акъажунра 1-доскадал Шамил Ибрагьимов (Луткунрин СОШ) 1-чкадиз лайихлу хьана. Наир Эскендерова (Кьурукаларин СОШ) ва Лукьман Муспагьова (1-нумрадин АСОШ) — 2, Расул Тарханова (2-нумрадин АСОШ) 3-чкаяр кьуна. 2-доскадал Роман Рамазанова (Кьурукаларин СОШ) 1-чка кьуна. 2-чкайриз Мугьаммад Гьабибуллаев (Калукрин СОШ) ва Султан Жафаров (1-нумрадин АСОШ), 3-чкадизни Вагьид Букаров (Цуругърин СОШ) лайихлу хьана. Рушарин арада 3-доскадал 1-чка Ирина Магьмудовади (Кьурукаларин СОШ) кьуна. 2-чкадиз Гьири Сулейманова (Цуругърин СОШ) лайихлу хьана. 3-чка Самира Гьабибуллаевади (Калукрин СОШ) ва Алина Алижановади (3-нумрадин АООШ) пайна. 4-доскадал Умуд Ризванова (Кьурукаларин СОШ) — 1, Тагьир Акимова (Цуругърин СОШ) 2-чкаяр кьуна. 3-чка Имам Шихалиева (Калукрин СОШ) ва Равил Мурсалова (1-нумрадин АСОШ) пайна.
ИкI, командайрин арада Кьурукаларин СОШ-дин векилри 1-чка кьуна. Цуругърин СОШ-дин ученикар — 2, Ахцегьрин 1-нумрадин школада кIелзавай аялар 3-чкайриз лайихлу хьана. Приздин чкаяр кьур школайрин командайриз райадминистрациядин патай 1-3 дережайрин дипломар гана. 1-3-чкаяр кьур шахматистриз гьуьрметдин грамотаяр ва шахматар пишкешна.
Рагьидин Эминов
