Заз и гафар гьуьрметлу Мурад Алимовичаз талукь яз лугьуз кIанзава: 23-сентябрдиз Махачкъалада  куь халу, юстициядин рекьяй машгьур деятель, чи ватанэгьли Али Абутрабович Аливердиев яшамиш хьайи кIвалин цлал рикIел хуьдай делилар алай кьул алкIурунин ва ам ачухунин важиблу мярекат кьиле фена.

Ихьтин чIехи инсандин тIвар эбеди авун неинки рес­публика, гьакI вири уьлкве патални са вакъиа я. Гьакъи­къатдани, ихьтин дережадин ксар виш йисара садра дуьньядал къвезва.

Чна, ахцегьвийри, Али Абу­т­рабовичал рикIин сидкьидай дамахзава ва адан тIвар къадирлувилелди рикIера хуьзва. Къуй квехъ ва куь багърийрихъ, гьуьр­метлу Мурад Алимович, мягькем сагъвал ва шад уьмуьр хьурай.

Еке гьуьрметдивди, Назир Тажибов,

Ахцегьрин хуьруьн агьали