18-майдиз Агъа СтIалдал, Да­гъустандин халкьдин шаир СтIал Сулейманан 155 йисан юби­лейдиз талукьарнавай мя­рекатрин сергьятра аваз, XX асирдин Гомеран шиирар­ кIелунай «СтIал Сулейманан ирс» лишандик кваз «Лезги газетдин» редакцияди Ахцегьай тир меценат Нариман Гъазалиеван куьмекдал­ди лезги чIалалди тешкилай­ Вирироссиядин онлайн-кон­курсдин гъалибчийрив шабагьар вахкана.

Къейд ийин хьи, санлай къачурла, конкурсда 6, 7,8-классра кIелзавай 173 аялди иштиракна. Абуру СтIал Сулейманан «Гьарда вичикай хан ийида» шиир кIелай къайдадиз «Лезги газетдин» редакциядин къуллугъчийрикай ибарат жюриди къимет гана.

Конкурсдин нетижаяр:

1-чкадиз — Мегьарамдхуьруьн райондин Советский хуьруьн мектебдин 8-классдин ученик Имам Алимирзоев ла­йихлу хьана;

2-чкадиз — Мегьарамдхуьруьн райондин Самур хуьруьн мектебдин 7-классдин ученица Заира Маллаева;

3-чкадиз — СтIал Сулейманан райондин ЦIийихуьруьн мек­тебдин 7-классдин ученица Диана Рамазанова;

4-чкадиз — Докъузпара рай­ондин Къалажух хуьруьн 6-классдин ученица Мирвана Шагьвердиева;

5-чкадиз — Дербент шегьердин дуьньядин медениятдин гимназиядин 6-классдин ученица Марьям Алискерова.

Гъалибчийриз дипломар ва  30, 25, 20, 15, 10 агъзур манатдин кьадарда аваз пулдин пишкешар гана. Абурув шабагьар «Лезги газетдин» кьилин редактор Мегьамед Ибрагьимовани Нариман Гъазалиева вахкана.

«Шиир хъсандиз кIелай ая­лар пара авай. Абурун арадай­ виридалайни лайихлубур хкя­гъун регьят кар тушир. Конкурс­дин положенида къейднавай кье­­тIен­вилер фикирда кьуна, къимет гана, гъалибчияр жезмай кьван лайихлубур хкягъиз алахъна.­

Конкурс кьиле тухун патал редакциядиз пулдин патахъай куьмек гайи Нариман Гъазалиеваз сагърай лугьуз кIанзава. Гаф кватай чкадал лагьана кIан­­да хьи, и жумарт касди Кьиб­ле­патан Дагъустанда спортдин­, об­разованидин, медениятдин ва маса хилера гзаф кьадар кон­курсар тешкилзава. Къуй вичихъ чандин сагъвал, уьмуьрда мадни еке агалкьунар хьурай», — лагьана М.Ибрагьимова.

Чи мухбир