Дустари, амадагри ва уче­ник­ри Ветлугин Жабраиловичаз «Уль­яновский государст­вен­­ный уни­верситет» ГБОУ-дин бинедал­лаз тешкилнавай­ диссертацийрин­ 24.2.­422.04-­ нумрадин советда­ физикадинни математикадин илимрин док­торвилин диссертация хуьн теб­рикзава, адахъ яргъал уьмуьр, сагъламвал, зегьметда мадни агалкьунар хьун алхишзава.

Ветлугин Бейбалаев  1967-йисан 3-октябрдиз Кьурагь райондин КьепIиррин хуьре математикадин муаллим Жабраил Эрзимановичан хизанда  дидедиз хьана. КьепIиррин юкьван­ школа акьалтIарай 1985-йисуз ам Дагъустандин госунивер­си­­тет­дин математикадин факуль­тетдик экечIна. 1985-1987 йиса­ра СССР-дин Яракьлу къуватрин жергейра къуллугъна. Армиядай хтайдалай кьулухъ  ада кIелунар давамарна, вуз 1993-йисуз акьалтIарна.

1993-йисалай къенин йи­къал­ди  ада ДГУ-дин прикладной  математикадин факультетда кIвалахзава. Адахъ 130-далай гзаф илимдин кIвалахар ава, абурукай яз, вичи кьилди ва я маса автордихъ галаз санал кхьенвай  ЭВМ патал прог­раммаяр регистрация авунин гьакъиндай 4 шагьадатнама ва 3 монография. Илимдин ахтармишунрин асул хел муракаб жуьреда туькIуьр хьанвай ва тIек­­венар авай шейэра абур дегишарзавай гьерекатар арадал гъунихъ галаз алакъалуди я.

Илимдин ахтармишунрин­ не­­­тижайрин тереф са шумуд­ сеферда РФ-дин­ илимдин жуь­ре­ба-жуьре фон­­да­рин грант­ралди­ хвенва. 2021-йисуз обра­зова­ни­дин ва илимдин рекье­ хьанвай агалкьунрай­ алим «Да­гъустан Рес­­пуб­лика­дин образо­ванидин ла­­­йих­лу работник» ла­гьай гьуьр­мет­дин тIварцIиз ла­­йихлу хьана.­ В. Бейбалаева­ агъадихъ галай­ дисциплинайрай илимдинни пе­­дагоги­кадин вини дережада­ аваз лекцияр­ кIелзава: «Теория­ ве­р­о­ят­нос­тей», «Численные ме­то­ды»­, «Тех­ноло­гия программирования», «Матема­ти­­ческие модели динамических систем».

«Лезги газет»