«Лезги газетдиз» РД-дин Гьукуматдин­ пресс-къуллугъди хабар гайивал, 2026-йисуз Дагъустанда фермервилин майишатар, хуьруьн майишатдин кооперация ва агротуризм вилик тухуниз 450 миллион манат пул чара ийида.

«Развитие малого агробизнеса» проектдин сергьятра аваз, фермервилин ма­йи­шатриз куьмек гун патал 265 миллиондив­ агакьна пулдин такьатар чара авун фикирдиз къачунва. Абур са шумуд хилез пайда:

– саки 160 млн манат – лежбервилин майишатар патал кардик кутадай 17 грантдиз;

– 80 млн манат – фермерри авунвай харжияр арадал хкун патал кардик кутадай 16-дав агакьна субсидийриз;

– 25,5 млн манат – «Агромотиватор» тIвар алай 6 грант кардик кутун патал.

Ибурулай гъейри, 111 млн манат хуьруьн майишатдин кооперация вилик тухуниз ча­ра ийида. Идакай 60 млн манатдилай артух такьатар аграрийрив субсидийрин сергьят­ра аваз агакьда, 50 млн манат кооперативрин арада грант­рин къайдада пайда.

Агротуризм кьилдин хел я. Алай йисан февралдин эвел кьилера «Агротуризм» грантдин сергьятра аваз, 7 аграрийдив 65 млн манатдиз барабар пулдин куьмек агакьна. Йисан эхирдалди мад кьве дагъустанвидиз хуьруьн туризм вилик тухун патал 8,2 млн манат чара ­ийида.