Къе Махачкъаладин 59-нумрадин юкьван мектебда лезгийрин къадим Яран сувариз талукьарнавай мярекат кьиле фена.

Мектебдин актовый залдин сегьнедал аялри лезги халкьдин девлетлу адетрикайни яшайишдин къайдайрикай ибарат нумраяр къалурна.

Къейд ийин хьи, мярекат мектебдин дидед чIаларин методист Оксана Чубановади тешкилнавай. Адаз и карда мектебдин директор Ибрагьим Байсангурова куьмекар гана.

Яран сувариз талукьарнавай и мярекатни сифте гаф лугьуналди директорди ачухна ва ада кIватI хьанвайбуруз сувар мубаракна.

Лагьана кIанда, милли сувариз элкъвей мярекатдиз лезгийрин бажарагълу шаир Фейзудин Нагъиеваз ва РД-дин писателрин Союзда лезги писателрин секциядин руководитель, жегьил шаир Владик Батмановаз теклифнавай. Абуру чпин рахунра аялри къалурай нумрайриз еке къимет гана.

Ахцегьви Сулейман