Алай йисан 23-февралдиз Мегьарамдхуьруьн райондин Ярагъ-Къазмайрал, шадлухрин «Лезгинка» залда, «Хайи чIални меденият хуьнин рекьер» лишандик кваз республикадин дережадин гегьенш форум кьиле фида. Адан тешкилатчияр Лезгийрин милли медениятдин федеральный автономия (ФЛНКА) ва Мегьарамдхуьруьн райондин администрация я.
Мярекатдин макьсад лезги чIалан дережа хкаждай, акьалтзавай несилдин арада хайи чIал чидайбурун кьадар артухардай, милли медениятни адетар хуьдай ва машгьурдай рекьер жагъурун я.
Форум сятдин 10-даз гатIунда. Ашкъи авай вирибурувай ана иштиракиз жеда.
Тешкилатчияр
