Дагъустан Республикадин Гьукуматдин пресс-къуллугъди хабар гайивал, гьукуматди промышленностдин карханайриз куьмек яз 50 миллион манат чара ийидайвал я.
— Федеральный гьукумдин патай гузвай куьмекдилай гъейри, республикадини промышленностдин карханаяр кIеве гьатдайвал ийидач, — лагьана РД-дин промышленностдин министр Низам Халилова. — Дагъустан Республикадин промышленностдин хилез талукь государстводин программадин сергьятра аваз 2022-йисуз тайинарнавайвал, карханайри ийизвай харжар эвез авун, герек машинар ва тадаракар къачун патал 40 миллион манат ва инновациядин цIийи технологияр кардик кутун, конструкторвилин тежрибаяр кьиле тухун патал 10 миллион манат ва гьакIни хсуси интернет — туьквен тешкилуниз 0,6 миллион манат чара ийида.
Къейдзавайвал, гьукуматди кьабулзавай и серенжемрикай промышленностдин 15-дав агакьна карханайривай менфят къачуз жеда.
«Лезги газет»
