Алай йисан майдин вацралай гатIунна, тIимил къазанжияр къвезвай хизанра чIехи жезвай 8-16 йисарин яшара авай аялриз цIийи пособияр чара ийида. Идакай уьлкведин Президент Владимир Путина хабар гана.
“За гьисабзавайвал, чна цIийи къарар кьабулна кIанзава: тIимил къазанжияр къвезвай хизанриз куьмек гун патал 8-16 йисарин яшара авай аялриз цIийи пособие тайинарда”, — къейднава Кремлдин сайтда чапнавай малуматда.
ТАСС-ди хабар гузвайвал, цIийи къарар 1-апрелдилай къуватда гьатда, пулдин такьатар майдин вацра гуз эгечIда.
Пособидин кьадардин ва ам хизанриз гудай къайдадин жигьетдай официальный малуматар гьелелиг авач.
«Лезги газет»
