И йикъара РД-дин образованидинни илимдин министерстводи кьиле тухвай «Хайи чlалан лап хъсан кабинет» конкурсда хайи чlаланни эдебиятдин 26 муаллимди иштиракна.

Конкурсдин нетижаяр 23-апрелдиз А.Тахо-Годидин тlварунихъ галай Педагогикадин илимдинни ахтармишунрин институтда кьуна.

Малум хьайивал, «Лезги чlалан лап хъсан кабинет» номинацияда сад лагьай чка Мегьарамдхуьруьн райондин Ходжа-Къазмайрин М.Къазиеван тlварунихъ галай СОШ-дин муаллим Марият Рамазановади кьуна. Кьвед лагьай чкадиз Сулейман-Стальский райондин Курхуьруьн СОШ-дин муаллим Гуьзел Межидова, пуд лагьай чкадиз Хив райондин Цlинитlрин СОШ-дин муаллим Сейфулагь Шагьмарданов лайихлу хьана.

"Лезги газет"