2024-йисалай гзаф аялар авай вири хизанар патал Россияда сад тир электронный шагьадатнама къуватда гьатнава. Ам электронный жуьредани, (QR-код) чарчин жуьредани къачуз жезва. Юридический жигьетдай кьведахъни сад хьтин къуват ава.
Вуч затI я электронный шагьадатнама?
Хизандикай, аялрикай ва кьезилвилерикай делилар авай QR-код. Ам «Госкъуллугъар» порталдай PDF-дин форматда аваз къачуз жезва. Идалайни гъейри, герек дуьшуьшда приложенидай къалурайтIани жеда.
QR-код гьина кьабулзава?
Алай вахтунда чарчин шагьадатнамайрин чкадал QR-кодар анжах медениятдин бязи идарайри, ял ядай чкайри кьабулзава. И код кьабулдай тешкилатрин кьадар датIана артух жезва.
Электронный шагьадатнама гьикI къачуз жеда?
«Госкъуллугъар» порталда жуван хсуси кабинетдай. Анай «Документар» кхьенвай чкадиз гьахьун ва «Хизан ва аялар» жагъурун лазим я.
«Лезги газет»
