Алай йисан эвел кьилелай­ инихъ Дагъустанда аялар те­жезвай 638 дишегьлиди ЭКО-­­ дикай (экстракорпораль­ное­ оп­лодотворение) менфят­ къа­­чунва, – хабар гузва рес­публи­кадин ФОМС-дин пресс-къул­лугъди. И макь­сад­риз­, сан­лай къачурла­, бюд­жет­дай­ 68 миллион манат чара ­авунва.

Лагьана кIанда, и жигьетдай йис патал тайинарнавай планда ЭКО-дин 1420 процедура къалурнава. Алатай йисан сад лагьай паюна регионда ЭКО авунвайбурун кьадар 661-дав агакьнай.

Аялар тежезвайбур сагъар хъувунин карда репродукциядин технологийрикай, гьа жигьетдай яз ЭКО-дикайни, менфят къачун ОМС-дин программайрик 2013-йисалай кутунва. И карди аялар тежезвай хизанриз гьукуматдин бюджетдин такьатрихъ месэла гьялдай мумкинвал гузва.

ОМС-дин программадин куь­мекдалди ЭКО авун патал­ аялар тежезвай дишегьлияр­ чеб яшамиш жезвай чкада дишегьлийрин азарар сагъар хъийиз­вай духтурдин патав фин лазим я. Ина медицинадин рекьяй герек тир вири ахтармишунар кьиле тухвайдалай кьулухъ ЭКО авунин гьа­къин­дай къарар кьабулзава.

Къейд ийин хьи, ОМС-дин программадин куьмекдалди­ 18-49 йисарин яшара авай итим­ри­вайни дишегьлийривай­ репро­дукциядин сагъламвал авай гьални ахтармишиз жезва­. Алай йисан сад лагьай паюна рес­пуб­ликада ихьтин ахтармишу­нар 176 агъзур касди авуна.

Чи мухбир