23-сентябрдиз Махачкъалада жуьреба-жуьре йисара Да­гъустандин гьукумдин орган­ра жавабдар къуллугъар кьиле тухвай Али Абутрабович­ Аливердиеван экуь къамат­ эбеди авуниз талукьарнавай мярекат кьиле фена.

Адан сергьятра аваз, меркездин М. Гьажиеван тIварцIихъ галай куьчедин 3-нумрадин кьакьан гьавайрин кIвалерин цлал мемориалдин кьул ачухна. 1963-йисалай 2021-йисалди чи машгьур ватанэгьли и кIвалера яшамиш хьана.

Мярекатда адахъ галаз санал кIвалахай юлдашри, респуб­ликадин агъсакъалрин Советдин векилри, мукьва-кьилийри, ам чидай ксари иштиракна. Рахайбуру Али Аливердиеван ла­йихлувилер, адан баркаллу уьмуьр­дай чешне къачуз жедай агьвалатар, адан къилихдиз хас ерияр рикIел  хкана.

Машгьур сиясатчидин экуь къаматдиз бахшнавай мемориалдин кьул туькIуьрайди Рос­сия­дин яратмишунрин акаде­мия­дин академик, РФ-дин ла­йихлу художник Шериф Шагьмарданов я. Ам ачухдай ихтияр юстициядин генерал-лей­те­нант Тажутдин Бижамовазни ге­нерал-лейтенант, профессор Мурад Алимоваз гана.

Чи  мухбир