8-18-мартдиз Бангкокда тайский боксдай (версия WMF) кьиле фейи 2018-йисан дуьньядин чемпионатда Гьажи Наврузова къизилдин медаль къачуна.
Финалдиз экъечlдай женгина чи ватанэгьлиди Бразилиядай тир спортсмендин винел нокаутдалди гъалибвал къачуна. Финалда лагьайтlа, Гьажиди вад сеферда дуьньядин чемпион хьанвай Украинадай тир спортсмендин винел нокаутдалди гъалибвал къачуна.
Ери-бине Усугъчай хуьряй тир спортсменди 91 килограммдилай виниз заланвал авайбурухъ галаз женгер тухузва. 2017-йисуз ам К-1 жуьредай дуьньядин чемпион хьана. Пешекарвилин дережада тухвай вири вад женгина ада гъалибвал къазанмишнава.
«Лезги газет»
