Са шумуд югъ идалай вилик Свердловскдин областдин Верхний Пышма­ шегьерда спортдин ругуд жуьредай, гьа гьисабдай яз боксдай, дзюдодай­, самбодай кьиле фейи Россиядин халкьа­рин спартакиадада вичин ери-бине­ СтIал Сулейманан райондин Алид­хуь­­­релай тир, эхиримжи са шумуд йи­суз­ акъажунриз Челябинскдин патай экъечI­­завай Аслан Къурбанова­ 88 кг-дин заланвал авай­бурун арада­ самбо­дай буьруьнж­дин ме­даль къа­зан­­мишна.

Спартакиададин сергьятра аваз, самбодай кьиле фейи турнирда Аслан Къурбанов Москвадай тир Александр Сучковаз кумукьна. Амма буьруьнждин медаль патал Москвадай тир Антон Лебедевахъ галаз бягьсина Аслана инанмишвилелди гъалибвал къазанмишна, викIегьбурун жергеда чка хкьуна.

Къейд  авун  лазим  я  хьи,  Россия­дин халкьарин спартакиадада чи ватан­эгьлиди вичин алакьунар идалай виликни са шумудра агалкьунралди къа­лурайди я. А. Къурбанов самбодай Россиядин чемпион, спортдин и жуьредай Рос­сиядин спортдин мастер, универсальный бягьсерай дуьньядин ва Европадин са шумудра чемпион, Россиядин международный классдин спортдин мас­тер я.

Рагнеда  Рамалданова