15-18-июндиз Калуга шегьерда кьезил атлетикадай 2001-2002-йисара дидедиз хьайи жегьил гадайринни рушарин арада Россиядин кlвенкlвечивал патал акъажунар кьиле фена. И гьакъиндай «Лезги газетдиз» инстаграмда авай «Ахцегь-спорт» чини хабар гузва.
Дагъустандин хкягъай дестедин арада Ахцегьрин 2-нумрадин ДЮСШ-дин тренер-муаллим А.Палчаеван гъилик вердишвилер къачузвай Карина Палчаевани авай. Ахцегьви руш квай Дагъустандин хкягъай дестеди Россиядин кlвенкlвечивал патал кьиле фейи акъажунра 4х100 эстафетада дагъустандин рекорд къалурна. Виш метрдин мензилдиз чукурунай кьилдин акъажунра ада 13.08 нетижа къалурна, 200 метрдин мензилдиз чукурунай – 27.39.
Зиринг рушахъ мадни еке агалкьунар хьурай!
«Лезги газет»
