14 йис тамам хьайила гузвай пас­порт МФЦ-дин идарадай къачуз жеда. РФ-дин паспорт сифте яз къачузвайбурув­ ихьтин­ документар гваз хьун герек я: диде-бу­ба­дин паспортар (диде-бубадикай сад жувахъ галаз МФЦ-диз фин герек я); дидедиз­ хьайи­вилин гьакъиндай шагьадатнама (ламинировать тавунвайди); гьяр­кьуьви­лел – 3,5 ва кьакьанвилел 4,5 сантиметр алай 2 шикил. 300 манат госпошлина МФЦ-дин идарада гуз жеда.

14 йис тамам хьайидалай кьулухъ гьар са ватандашдивай «Госкъуллугъар» порталдикай кьилди менфят къачуз жеда. И кар патал сифте нубатда паспортни СНИЛС гваз МФЦ-диз фена кIанда.

14 йис тамам хьайибуруз Пушкинан картадикай менфят къачудай мумкинвални жезва. Малум тирвал, тIвар кьунвай картадин куьмекдалди 14 йисалай 22 йисал кьван яшара авайбурувай музейриз, театрриз, кинойриз гьукуматдин гьисабдай гьавая физ жезва. Пушкинан картада 5 агъзур манат пул жезва.    

"Лезги газет"