Нумрадиз - шиир

ЧкIизва…

 

Килиг, дустар, ахъай вилер,

ИчIи хьанва гзаф кIвалер,

Чпихъ бине, тарих авай

ЧкIизва чи лезги хуьрер.

 

Шегьерриз куьч жезва вири,

Бубайрин муг туна хайи,

Аманат яз хвена кIани.

ЧкIизва чи лезги хуьрер.

 

 

Чи бубайри чIугур зегьмет,

Адаз къе гьич гузвач къимет,

Чеб тир халкьдин чIехи девлет

ЧкIизва чи лезги хуьрер.

 

Виликдай шад, сад тир халкьар,

Санал тухуз мехъер, мелер.

Гила дегиш хьанва вахтар –

ЧкIизва чи лезги хуьрер.

"Лезги газетдин" 2026-йисан 25-нумрадай